عرض المقال
الليلة الكبيرة طبعة عصر النهضة
2013-04-11 الخميس
وصلتنى رسالة من د.إبراهيم شلبى مقتبساً روح أوبريت «الليلة الكبيرة» تعليقاً على نهضة زمن الإخوان التى نعيشها هذه الأيام مثلما اقتبس باسم يوسف من أوبريت «الوطن الأكبر»، وأقدم لكم منها بعض الأبيات التى صاغها د.إبراهيم بذكاء ولماحية:
حالفين ما يسيبوكم يابا فى الريف والبنادر
يا حضرة الأراجوز قولّى
نعم يا عمدة عاوز إيه
إزاى أسيطر على شعبى
تمسك فى الدين وتتاجر بيه
(أمسك فى الدين وأتاجر بيه)
تكذب كده على طول على طول
والكذب أهو له كفارة
(الكذب أهو له كفارة)
تلحس يمين برضك معقول
أهو شعب طز فى غوارة
(أهو شعب طز فى غوارة)
بوّظ يمينك وشمالك
شهرين وفى التالت أخون
(شهرين وفى التالت أأخون)
شيل المعارضة من بالك
وتمشى بالدين تتمخطر
(وأمشى بالدين واتمخطر)
تفضل كده تكذب وتلف وتخش من مطرح ما طلعت
(أفضل كده أكذب وألف
وأخش من مطرح ما طلعت)
ولما تلقى الشعب يهب
(ولما ألقى الشعب يهب)
قول بلطجية فلول أندال
دى وصفة سهلة
قوى قوى
دى وصفة هايلة
قوى قوى
مع السلامة مع السلامة
مع السلامة يا أبوذمة مايلة
مع السلامة يا أبوذمة مايلة
فيه فتاوى للعيل يابو العيال ميّل خُدلك سبع فتوات
كفارة بالكيلة وحرابة ياحليلة
تكفير يا واد تكفير
تكفير تكفير تكفير تكفير تكفير تكفير
دستورك مقلى كل وبرّقلى
جمعية زى الفل
استخار واختار فى الجنة ولا النار
يلّا سمِّى وكُل.. يلّا سمِّى وكُل.. يلّا سمِّى وكُل
الخيبة الكبيرة يا عمى والعالم كتيرة
حالفين ينصروكى يا بلدى فى الريف والبنادر
الخيبة الكبيرة يا عمى والعالم كتيرة
حالفين ينصروكى يا بلدى فى الريف والبنادر